By عبدالله الشريف
بس أمانة عليك تسامحنى ،، كنت انا يوم سكينة فضهرك
أيوة أنا حسيت ضهرك محنى ،، زى ما غيرى نال من عرضك
بس أنا شوفت بعينى خلاص ،، كان ٩٠ مليون بيحاربك
البنزين بقه بالفنطاس ،، وانت يا نور ولا حدش قطعك
والأزمات ماسمعناش بيها ،، كله يا ريس كان متفبرك
خطابك لما سمعته انا منك ،، كنت انا حاسك بتشجعنى
أتاريك كات الطلقة فصدرك ،، كنت يا ريس بتودعنى
صوتك لسه انا حاسه فودنى ،، بتقولى اوعاك تغلط يا ابنى
حط ايديك فى ايدين اخواتك ،، عمر بلدك وازرع وابنى
حاضر يابا راح أقفل بُقى ،، مصر حقيقى هى الأولىٰ
بس انا طعم الظلم فحلقى ،، وعمر الظلم ما قوم دولة
قفلوا قناتى و سابونى أهاتى وترعة قناتهم مالها هويس
وعاوزِنى أطاطى بنغمة خواتى وتمن دم أخويا عليهم رخيص
أوديها فين دموع اليتامى وكام أم حزنت فى شهر الكرامة
عيالنا اللى ماتت برش الندامة وكام طلقة فاتت فى بدلة عريس
وناس تانيه باتت فى حضن الشوارع فى كام شمس غابت وكام فجر طالع
وغربة بتاكل فى صدرى اللى والع و شاشة بخيرى وعمرو ولميس
فخلى الحكومة بتاعتهم متابعة وخلى البيادة تدوس سته سبعة
خواتى قالوها من قلب رابعه مالناش حكومة وإنت الرئيس
وغيظهم يا رابعة من حُر داسك ،، قالولنا الجرب راح وعشش فى ناسك
ونسيوا وضوء الطهاره لفريضة ،، وسواك التهجد بطعم المناسك
وقالوا اللى رايح لرابعة يا بخته ،، بنات الجهاد راح يسلوا بسلامته
يا رب اللى قالها يشوفها فى أخته ،، بناتك يا رابعة تاج ملو راسك
فخلى اللى يشتم يشتمله ساعة ،، وخلى اللى حاسدك يطلع إشاعة
أصلك يا رابعة كايدة الجماعة ،، وكايدة رباط البيادة اللى ماسك من قلب رابعة
ماشي يا ريس ،،،
بس أمانة عليك تسامحنى ،، كنت انا يوم سكينة فضهرك
أيوة أنا حسيت ضهرك محنى ،، زى ما غيرى نال من عرضك
بس أنا شوفت بعينى خلاص ،، كان ٩٠ مليون بيحاربك
البنزين بقه بالفنطاس ،، وانت يا نور ولا حدش قطعك
والأزمات ماسمعناش بيها ،، كله يا ريس كان متفبرك
خطابك لما سمعته انا منك ،، كنت انا حاسك بتشجعنى
أتاريك كات الطلقة فصدرك ،، كنت يا ريس بتودعنى
صوتك لسه انا حاسه فودنى ،، بتقولى اوعاك تغلط يا ابنى
حط ايديك فى ايدين اخواتك ،، عمر بلدك وازرع وابنى
حاضر يابا راح أقفل بُقى ،، مصر حقيقى هى الأولىٰ
بس انا طعم الظلم فحلقى ،، وعمر الظلم ما قوم دولة
No comments:
Post a Comment